Алғашқы аяздарыңызбен Сіздерді! 

    Иә, желтоқсан өзінің қаһарына мінді... Бұның да хайырлысы. Ең бастысы, еліміз аман, жұртымыз жаурамасыншы...  Шәкірттерімізді онлайнға жіберіп қойып, «Директорға хат» айдарына келіп түскен орыс сыныбы бүлдіршіндерінің жазбаларын парақтаааап отырмын. Балапандардың басты армандары — жарқыраған, заманауи үлгідегі жаңа ғимаратта білім алу. Бұдан өзге  тілек-ұсыныстары да жоқ емес. Мәселен, мектеп ауласында ойын алаңшаларының болуы, мектеп асханасында тегін балмұздақтардың таратылуы,  бассейн, батут, жатын бөлмелері, сырғанақ төбешіктер (горка), жалпы, бұның барлығы қарапайым ғана дүниелер. Заманауи мектеп қалай болуы керек деген сауалға балалар көзімен қарасақ, қисынды жауаптар секілді. Сіздерге қалай? Байқап көріңіздер... 

#Өзін_өзі_басқару 

#Шымкент_балалар_жылы 

   Шымкент қаласы білім басқармасына қарасты А.Бөкейханов атындағы N2 жалпы орта білім беретін мектебі 25-қазан "Республика күні мерекесіне орай, өткізілетін іс-шара жоспары бойынша "Патриотизм дауыс" мемлекеттік әнұранды жаппай орындауы болып өтті.

Құрметті АТА-АНАЛАР!

Шымкент қаласы Білім басқармасына қарасты А.Бөкейханов атындағы №2 жалпы орта білім беретін мектебінде 2022 жылы соңғы қоңыраудың өткізілу тәртібі бойынша, Мамыр айында болатын мерекелер қарсаңында ата-ана және оқушы тарапынан ақша жинауға, қымбат көліктерде серуендеуге, табиғатқа  саяхатқа шығуға қатаң тыйым салынатындығын ескертемін! 

Қазіргі таңдағы өзекті мәселенің бірі - сыбайлас жемқорлықтың алдын алу және болдырмау мақсатында: 

- мектепке бітіруші түлек ретінде сыйлық бермеу, 

 - мектеп әкімшілігіне, сынып жетекшілерге, пән мұғалімдеріне қымбат әшекейлер мен сыйлықтар беруге тыйым салу,

- бірыңғай мектеп формасын кию,

- соңғы қоңырауда көлікте серуендеу, 

- кафеде отырыс жасау, тауға саяхат жасау сияқты ақша жиналатын және құқықбұзушылық орын алатын фактілерді болдырмау  керек.

Емтихан кезінде ақша жинамау, дастархан жасамау керектігін ескертемін!

   Сіздің кез-келген сұрағыңызға жауап беруге әркез дайынмын.

Құрметпен, А.Бөкейханов атындағы №2 жалпы орта білім беретін мектеп директоры Ибраева Радагуль Махмұдханқызы

Мақсаты: Жаңа оқу технологияларын іздену және оны оқу үдерісіне енгізу.

Көркем еңбек, музыка, графикалық жобалау сабақтарында оқушылардың жеке шығармашылық ойларын дамыту. Әртүрлі әдістерді пайдаланып, сол арқылы оқушылардың белсенділіктерін арттыру.

Бірлестік мұғалімдері: Даурбаева Айман, Жексенбекова Раушан, Төлемісов Асхат, Жарқынбаев Азамат белсенді түрде ат салысып, іс-шараны жоғары деңгейде өтілуіне зор үлестерін қосты.

Апталықтың ашылуы 3 тілде жүргізіліп, өнерге байланысты әндер орындалып, "Ойна, домбыра” ансамблінің орындауында күмбірлеген күй тартылды.

Сонымен қатар "Жолаушы музыканттар" шағын көрінісі қойылып, бірлестік мұғалімдерінің көрермендерге арналған тапсырмалары, "Әуенді тап" ойыны, жұмбақтар жасырылып, жеңімпаз көрермендерге кәде сыйлықтар таратылды. Интерактивті тақта арқылы іс-шара барысында бірлестік мұғалімдерінің жылдық еңбектері, жетістіктері көпшіліктің назарына ұсынылды. Мәжіліс залы көркем еңбек мұғалімдерінің көрмесімен және бірлестік төс белгісі сахна төрінде тақырыпқа сай безендірілді.

  Өнерлі оқушылардан құралған дуэт, трио және іс-шара соңында мұғалімдер мен оқушылардан құралған ансамбль әнімен қорытындыланды. Соңында көрермендерге стикер таратылып, іс-шарадан алған әсерлерін тақтаға жапсырып ілу арқылы кері байланыс жүргізілді. Көрермендерге бұл іс-шара оқушылардың белсенділіктерін арттыруға үлкен әсерін тигізді. Оқушылардың бойынан өнерге деген шабыттары , қызығушылықтары, белсенділіктері байқалды.

#Шымкент_әдістемелік_орталығы 

#N2ЖОББМ 

Наурыз — шығыс елдерінің бүкілхалықтық мейрамы, Ұлыстың ұлы күні. Наурыз шығыс халықтарында жыл басы мерекесі ретінде тойланып, ерекше күн ретінде аталып өтіледі. Қазақ халқы да Наурыз мерекесін айрықша бағалап, оны жыл сайын тойлап отыруды салт-дәстүрге айландырған. 

 Наурыз - бірліктің, татулықтың, еңбектің, ізгіліктің, бақыттың мерекесі ретінде тойланған. Сондықтан да болар, бұл күні шаттанбайтын, қуанбайтын, мейірленбейтін адам болмаған. 

Осындай наурыз мерекесі А.Бөкейханов атындағы N2 жалпы орта білім беретін мектебінде тойланды. Мектептің ақсақал қариялары бата беріп,ұжымның атынан құран  бағышталды.

Сонымен қатар, оқушылар әсем-әнге бөлеп, салт - дәстүрлер "Беташар", "Тұсаукесер", "Құрсақ шашу" сахналанды. 

Ұлыс оң болсын, ақ мол болсын!